سياسة الخصوصية

عشان حد يعمل حساب على حريص لازم يعلّم على خانة الموافقة على الشروط والسياسة دي. ولو الطالب سنه أقل من ١٨ سنة، الخانة دي معناها إن ولي أمره موافق. بنسجل وقت الموافقة ورقم إصدار السياسة اللي اتوافق عليها.

لو إنت ولي أمر وعرفت إن ابنك أو بنتك عمل حساب من غير موافقتك، كلمنا على info@harees.net وهنمسح الحساب.

• بيانات الحساب: رقم الموبايل اللي بتدخل بيه (أو الإيميل لو دخلت بحساب جوجل)، والاسم، والصف.
• إجابات أسئلة التسجيل، زي نوع المدرسة والمحافظة وعرفت حريص منين.
• المذاكرة: الخطة الأسبوعية، والدروس اللي اتعملت، وإجابات الأسئلة والاختبارات ودرجاتها، والشرح اللي الطالب بيكتبه، والمحادثات مع المساعد، والوقت اللي اتقضى في القراءة.
• التسجيلات الصوتية: لما الطالب يختار يشرح الدرس بصوته، بنحفظ التسجيل والنص اللي اتحول منه.
• لو اشتركت في باقة مدفوعة: الباقة والمبلغ وتاريخ الدفع وكود المرجع، وصورة إيصال التحويل اللي بترفعها.
• الربط بولي أمر أو مدرس: مين مربوط بمين.
• بيانات تقنية: عنوان الـIP بنستخدمه بس عشان نحمي تسجيل الدخول من المحاولات الكتير ورا بعض وبيتمسح خلال يوم، وسجل باستخدام صفحات حريص، وتقارير الأعطال من غير اسم ولا رقم ولا محتوى.

بنحفظ على جهازك رمز الدخول بس، عشان متدخلش الكود كل مرة. مفيش إعلانات ولا أدوات تتبع من شركات إعلانات.

• نشغّل حريص: الخطة الأسبوعية، والشرح، وتصحيح الإجابات، والملخص الأسبوعي.
• نوري ولي الأمر أو المدرس المربوط تقدّم الطالب.
• نبعت كود الدخول، ونحمي الحسابات من الإساءة.
• نحسّن حريص: ممكن نستخدم إجابات وشرح ومحادثات من غير اسم ولا رقم ولا أي وسيلة للتعرف على صاحبها، عشان نحسّن الأسئلة والشرح.

مش بنبيع بياناتك لأي حد، ومش بنستخدمها في إعلانات.

حريص بيستخدم خدمات ذكاء اصطناعي من شركات تانية عشان يشرح ويصحح ويلخص. اللي بيتبعت لها هو نص المذاكرة نفسه، مش رقم الموبايل ولا الإيميل:

• Anthropic (نماذج Claude): الأسئلة والإجابات والشرح المكتوب والمحادثات، عشان الرد والتصحيح والملخص الأسبوعي. الملخص الأسبوعي بيكتب الاسم الأول للطالب، فالاسم الأول بيتبعت معاه.
• OpenRouter: التسجيلات الصوتية، عشان تتحول لنص.
• Voyage AI: نص سؤال الطالب، عشان نلاقي الجزء المناسب من المنهج.

فريق حريص ممكن يشوف محادثة أو إجابة لما يحتاج يحل مشكلة أو يراجع جودة الشرح.

الذكاء الاصطناعي ممكن يغلط، فراجع دايمًا مع الكتاب المدرسي والمدرس.

• ولي الأمر أو المدرس اللي الطالب اتربط بيه بنفسه: بيشوفوا الخطة والتقدم والملخص الأسبوعي.
• DigitalOcean: السيرفرات وقاعدة البيانات والملفات، في فرانكفورت بألمانيا.
• Twilio: بيوصّل كود الدخول برسالة SMS أو واتساب.
• Google: لو اخترت تدخل بحساب جوجل، جوجل بيأكد لنا اسمك وإيميلك.
• Sentry: تقارير الأعطال التقنية، من غير بيانات شخصية.
• شركات الذكاء الاصطناعي اللي فوق.

بعض الشركات دي بتعالج البيانات خارج مصر، في أوروبا وأمريكا.

طول ما الحساب موجود، بياناته موجودة عشان المذاكرة تكمل.

لو مسحت حسابك، بنمسح كل بياناتك الشخصية نهائيًا خلال ٣٠ يوم. ممكن نحتفظ بإجابات مجهولة الهوية — من غير اسم ولا رقم ولا أي وسيلة للتعرف عليك — لتحسين حريص.

• من لحظة المسح الحساب بيتقفل ومحدش يقدر يدخل بيه.
• بعد ٣٠ يوم بنمسح الاسم ورقم الموبايل والإيميل وإجابات أسئلة التسجيل، وكل التسجيلات الصوتية، والمحادثات مع المساعد، والربط بولي الأمر والمدرس.
• سجلات الدفع بتفضل لأغراض الحسابات، من غير صورة الإيصال ومن غير أي بيانات تعرّف صاحبها.
• النسخ الاحتياطية بتتمسح لوحدها خلال ١٤ يوم بعد كده.
• كود الدخول بيتمسح بعد يوم، حتى لو الحساب ما اتعملش.

• تشوف بياناتك وتعدلها من صفحة الإعدادات.
• تمسح الحساب في أي وقت من صفحة الإعدادات.
• تطلب نسخة من بياناتك، أو تسأل عن أي حاجة هنا، على info@harees.net.
• ولي الأمر يقدر يطلب أي حاجة من دول نيابة عن ابنه أو بنته.

كل الاتصال بحريص مشفّر (HTTPS)، وأكواد الدخول مش بتتحفظ زي ما هي (بنحفظ بصمة منها بس)، والوصول لقاعدة البيانات مقصور على فريق حريص.

لو غيرنا حاجة مهمة هنا هنبلغك جوه حريص قبلها، وهنحدّث التاريخ اللي فوق.